Almaniya ABŞ-a təzyiq edir ki, Ukraynaya ən azı bir əlavə "Patriot" hava hücumundan müdafiə sistemi tədarük etsin...
Poliqon xəbər verir ki, bu barədə "Bloomberg" mənbələrə istinadən məlumat yayıb.
Nəşrin məlumatına görə, Almaniya hökuməti Kiyevə hava hücumundan müdafiə yardımını artırmaq üçün koordinasiyalı səylər çərçivəsində Vaşinqtona təzyiq edir.
Agentlik yazır ki, Almaniya bu həftə də Avropa ölkələrinə, o cümlədən Fransa və İtaliyaya Ukrayna qoşunlarına daha nə verə biləcəklərini qiymətləndirmək üçün təzyiq göstərməyə davam edəcək.
Bir gün əvvəl NATO-nun baş katibi Yens Stoltenberq demişdi ki, bir sıra alyans üzvləri yaxın vaxtlarda "Patriot" hava hücumundan müdafiə sistemlərini Ukraynaya təhvil vermək qərarını açıqlaya bilərlər. Onun sözlərinə görə, Almaniya artıq əlavə Patriot sisteminin tədarükünü elan edib və digər müttəfiq ölkələr də yaxın günlərdə eyni şeyi edəcəklər.
Poliqon.info
Digərxəbərlər
Populyar xəbərlər
